QR Code
فلسطین کاز کےلیے عرب لیگ اور اسلامی تعاون تنظیم کی کاوشوں کو قابل تعریف ہیں، اسحاق ڈار
10 Nov 2024 20:46
عرب اسلامک سربراہ اجلاس کی تیاریوں کے لیے وزرائے خارجہ کی کونسل کے اجلاس سے خطاب میں اسحاق ڈار نے کہا کہ اسرائیل عالمی قوانین کی کھلے عام خلاف ورزی کر رہا ہے۔
اسلام ٹائمز۔ نائب وزیراعظم اور وزیر خارجہ سینیٹر اسحاق ڈار نے کہا ہے کہ مشرق وسطیٰ کے حالات ابتر ہوچکے، غزہ میں فوری جنگ بندی کو یقینی بنایا جائے۔ اسحاق ڈار نے ان خیالات کا اظہار دوسرے عرب اسلامک سربراہ اجلاس کی تیاریوں کے لیے وزرائے خارجہ کی کونسل کے اجلاس سے خطاب میں کیا۔ انہوں نے فلسطین کاز کے لیے عرب لیگ اور اسلامی تعاون تنظیم کی کاوشوں کو قابل تعریف قرار دیا۔ پاکستانی نائب وزیراعظم نے مزید کہا کہ مشرق وسطی کے حالات ابتر ہوچکے ہیں، اسرائیل عالمی قوانین کی کھلے عام خلاف ورزی کر رہا ہے۔ ان کا کہنا تھا کہ اسرائیلی فورسز غزہ میں جنگی جرائم کا ارتکاب کر رہی ہیں، اسرائیل ہزاروں بے گناہ فلسطینیوں کو شہید کرچکا ہے۔ اسحاق ڈار نے یہ بھی کہا کہ اسرائیل نے غزہ میں اسکولوں، اسپتالوں اور پناہ گزینوں کو نشانہ بنایا، پاکستان غزہ میں اسرائیلی بربریت کی مذمت کرتا ہے۔ انہوں نے کہا کہ فلسطینیوں کے حقوق کے لیے سب کو کردار ادا کرنا ہوگا، غزہ میں فوری جنگ بندی کو یقینی بنایا جائے۔
خبر کا کوڈ: 1171810