QR Code

جلد 5 سال کا معاشی روڈ میپ دینے جا رہے ہیں، احسن اقبال

9 Nov 2024 19:32

نجی ٹی وی کے مطابق احسن اقبال نے کہا کہ ہم کسی بھی قومی ادارے کو کوڑیوں کے دام نہیں بیچیں گے، تحریکِ انصاف کے وزیرِ ہوا بازی کی وجہ سے اربوں روپے کا نقصان اٹھانا پڑا۔

اسلام ٹائمز۔ مسلم لیگ ن کے رہنما احسن اقبال نے کہا ہے کہ سیاسی جماعت کا کہنا کہ ٹرمپ آئے گا تو ان کے لیڈر کو آزاد کرائے گا، کسی لطیفے سے کم نہیں۔ اپنے ایک بیان میں انہوں نے کہا کہ ڈونلڈ ٹرمپ کا صدر منتخب ہونا امریکی عوام کا فیصلہ تھا، اس کا احترام کرتے ہیں۔ نجی ٹی وی کے مطابق احسن اقبال نے کہا کہ ہم کسی بھی قومی ادارے کو کوڑیوں کے دام نہیں بیچیں گے، تحریکِ انصاف کے وزیرِ ہوا بازی کی وجہ سے اربوں روپے کا نقصان اٹھانا پڑا۔ ن لیگی رہنما نے کہا کہ عدلیہ کے جو الاؤنسز بڑھائے گئے اس کا جواب وزیرِ قانون دیں گے، وزیرِ اعظم جلد 5 سال کا معاشی روڈ میپ دینے جا رہے ہیں۔ انہوں نے کہا کہ عدلیہ میں آئینی بینچ باہر سے نہیں لایا گیا یہ سپریم کورٹ کے ججوں پر ہی مشتمل ہے۔

خبر کا کوڈ: 1171648