QR Code

بہتر مستقبل کیلئے اپنا ووٹ کاسٹ کریں

ٹرمپ نے اہلیہ ملانیا کے ہمراہ پام بیچ میں ووٹ کاسٹ کر لیا

6 Nov 2024 00:32

امریکی ریپبلکن صدارتی امیدوار نے اہلیہ کے ہمراہ ووٹ کاسٹ کرنے کے بعد گفتگو کرتے ہوئے کہا کہ آج الیکشن کا دن امریکی تاریخ کا سب سے اہم دن ہوگا، ووٹرز کا جوش و خروش عروج پر ہے، لوگ امریکہ کو دوبارہ عظیم بنانا چاہتے ہیں۔

اسلام ٹائمز۔ ڈونلڈ ٹرمپ نے اپنی اہلیہ ملانیا کے ہمراہ پام بیچ میں ووٹ کاسٹ کر لیا۔ ڈونلڈ ٹرمپ نے اہلیہ کے ہمراہ ووٹ کاسٹ کرنے کے بعد گفتگو کرتے ہوئے کہا کہ آج الیکشن کا دن امریکی تاریخ کا سب سے اہم دن ہوگا، ووٹرز کا جوش و خروش عروج پر ہے، لوگ امریکہ کو دوبارہ عظیم بنانا چاہتے ہیں۔ انہوں نے کہا کہ آج الیکشن کا دن امریکی تاریخ کا سب سے اہم دن ہوگا، آپ اپنا ووٹ ڈالیں، چاہے جتنا بھی وقت لگے، قطار میں کھڑے رہیں، میرے خیال میں میری انتخابی مہم بہترین رہی۔ ووٹ گننے کیلئے 2 سے 3 دن لگنے کی کوئی وجہ نہیں ہے۔ صدارتی امیدوار نے مزید کہا کہ جو بھی ہمارے ملک میں قانونی طور پرآنا چاہیے آ سکتا ہے، میں صرف غیر قانونی تارکین وطن کے خلاف ہوں، لوگوں سے کہتا ہوں بہتر مستقبل کیلئے اپنا ووٹ کاسٹ کریں۔

خبر کا کوڈ: 1170971