اسلام ٹائمز - پاک چین انڈس شیلڈ 2024 مشقیں اختتام پذیر

آئی ایس پی آر کے مطابق مشق میں اے ای ایس اے ریڈار اور جے 16 اور جے 10سی جنگی طیاروں نے حصہ لیا۔

اسلام ٹائمز۔ چین اور پاکستانی فضائیہ کے درمیان الگ الگ منعقد کی گئی انڈس شیلڈ چائنیز مشق 2024 اختتام پذیر ہوگئيں۔ آئی ایس پی آر کے مطابق مشق پاک فضائیہ کے آپریشنل ایئر بیس پر منعقد کی گئی جس میں چینی فضائیہ کے اہلکاروں نے ہائی ٹیک آلات کے ساتھ شرکت کی۔ انڈس شیلڈ مشق نے دونوں افواج کی جنگی صلاحیتوں میں اضافہ کیا۔ آئی ایس پی آر کے مطابق مشق میں اے ای ایس اے ریڈار اور جے 16 اور جے 10سی جنگی طیاروں نے حصہ لیا۔ مشق میں ایچ کیو 22 زمین سے فضا میں مار کرنے والے دفاعی نظام نے بھی حصہ لیا، اس کے علاوہ مختلف فوجی حکمت عملیوں کا بھی مظاہرہ کیا گيا۔