QR Code

قسام بریگیڈز کے مجاہدین کی شمالی غزہ میں صیہونی فوجیوں پر حملے

5 Nov 2024 00:59

صیہونی فوج نے یہ بھی بتایا ہے کہ جنگ کے آغاز سے اب تک اس کے 5,261 فوجی زخمی ہو چکے ہیں، جن میں سے 774 کی حالت تشویشناک ہے۔

اسلام ٹائمز۔ قسام بریگیڈز نے شمالی غزہ کے جبالیہ کیمپ میں متعدد صہیونی فوجیوں کو نشانہ بنانے کی اطلاع دی ہے۔ فارس نیوز کے مطابق، حماس کے عسکری ونگ، قسام بریگیڈز، نے اطلاع دی ہے کہ اس کے مجاہدین نے شمالی غزہ کی جبالیہ کیمپ کے قصاصیب محلے میں ایک طاقتور بم سے چار صیہونی فوجیوں اور ایک مرکاوا ٹینک کو نشانہ بنایا ہے۔ قسام نے مزید بتایا کہ آج صبح اس کے مجاہدین نے جبالیہ کیمپ کے ایک گھر میں مورچہ زن صیہونی پیدل دستے کو، جو کہ الیمن السعید اسپتال کے قریب تھا، راکٹ لانچر RPG اور تاندون میزائلوں سے نشانہ بنایا۔

اس حملے کے نتیجے میں صیہونی فوجی ہلاک اور زخمی ہوئے۔ صیہونی فوج نے پہلے اطلاع دی تھی کہ گزشتہ 24 گھنٹوں کے دوران اس کے 19 فوجی زخمی ہوئے ہیں، جن میں سے 10 غزہ کی پٹی اور 9 جنوبی لبنان کی لڑائیوں میں زخمی ہوئے تھے۔ صیہونی فوج نے یہ بھی بتایا ہے کہ جنگ کے آغاز سے اب تک اس کے 5,261 فوجی زخمی ہو چکے ہیں، جن میں سے 774 کی حالت تشویشناک ہے۔ صیہونی فوج، جو پہلے ہی کئی بار غزہ کی پٹی میں مزاحمتی گروہوں کی عسکری طاقت کو ختم کرنے کا دعویٰ کر چکی ہے، اب بھی خاص طور پر شمالی غزہ کی لڑائیوں میں مسلسل جانی و مالی نقصان اٹھا رہی ہے۔

خبر کا کوڈ: 1170833