QR Code

5 ہزار سے زیادہ فوجی زخمی ہو چکے ہیں، صیہونی فوج کا اعتراف

5 Nov 2024 02:44

صیہونی فوج کے مطابق، غزہ اور لبنان کے دونوں محاذوں میں زخمی ہونے والے 277 فوجیوں کا علاج جاری ہے۔ فوج نے یہ بھی اطلاع دی ہے کہ جنگ کے آغاز سے اب تک 5261 فوجی زخمی ہو چکے ہیں، جن میں سے 774 کی حالت تشویشناک ہے۔

اسلام ٹائمز۔ صیہونی فوج نے اعتراف کیا ہے کہ غزہ اور لبنان کی لڑائیوں میں اس کے 5 ہزار سے زائد فوجی زخمی ہوئے ہیں۔ فارس نیوز کے مطابق، صیہونی فوج نے گزشتہ 24 گھنٹوں کے دوران اپنے 19 فوجیوں کے زخمی ہونے کی اطلاع دی ہے، جن میں سے 10 غزہ کی پٹی میں اور 9 جنوبی لبنان کی لڑائیوں میں زخمی ہوئے ہیں۔ صیہونی فوج کے مطابق، غزہ اور لبنان کے دونوں محاذوں میں زخمی ہونے والے 277 فوجیوں کا علاج جاری ہے۔ فوج نے یہ بھی اطلاع دی ہے کہ جنگ کے آغاز سے اب تک 5261 فوجی زخمی ہو چکے ہیں، جن میں سے 774 کی حالت تشویشناک ہے۔

صیہونی فوج، جو اس سے پہلے کئی بار غزہ کی پٹی میں مزاحمتی گروہوں کی عسکری طاقت کو ختم کرنے کا دعویٰ کر چکی ہے، اب بھی خاص طور پر شمالی غزہ کی لڑائیوں میں نقصانات اٹھا رہی ہے۔ حزب اللہ بھی جنوبی لبنان کے محاذ پر اسرائیلی فوجیوں کو بھاری نقصان پہنچا رہی ہے، اور اس تحریک کے آپریشن روم کے مطابق، اب تک اس محاذ میں پیش قدمی کی کوششوں کے دوران تقریباً ایک ہزار قابض فوجی ہلاک اور زخمی ہو چکے ہیں۔

خبر کا کوڈ: 1170818