QR Code

گورنر سندھ کامران خان ٹیسوری کا جامعہ کراچی کے داخلہ رہنمائی کیمپس کا دورہ

4 Nov 2024 21:59

طلباء سے گفتگو میں کامران ٹیسوری نے کہا کہ جامعہ کراچی اعلیٰ تعلیم اور تربیت کے فروغ میں اہم کردار ادا کررہی ہے، داخلوں کے ضمن میں طلباء کی نئے آنے والوں کی رہنمائی کرنا خوش آئند ہے، اس ضمن میں طلباء کا جوش و جذبہ قابل دید ہے۔

اسلام ٹائمز۔ گورنر سندھ کامران خان ٹیسوری نے جامعہ کراچی کا دورہ کیا۔ گورنر سندھ جامعہ کراچی محکمہ ایڈمیشن کی جانب سے لگائے گئے داخلہ رہنمائی کیمپس گئے اور وہاں پر موجود افراد سے داخلہ کے طریقہ کار سے متعلق آگاہی حاصل کی۔ گورنر سندھ طلباء کی جانب سے لگائے گئے داخلہ رہنمائی کیمپس بھی گئے اور طلباء سے رہنمائی کیمپ سے متعلق معلومات کیں۔ گورنر سندھ کو اپنے درمیان دیکھ کر طلباء نے خوشگوار حیرت کا اظہار کیا۔

گورنر سندھ کچھ دیر طلباء میں گھل مل گئے۔ طلباء نے ٹرانسپورٹ، فیس سے متعلق اپنے تحفظات سے گورنر سندھ کو آگاہ کیا۔ گورنر سندھ نے جامعہ کراچی کے متعلقہ حکام کو ہدایت دیتے ہوئے کہا کہ طلباء کے تحفظات ہر صورت دور کئے جائیں۔ گورنر سندھ نے کہا کہ جامعہ کراچی اعلیٰ تعلیم اور تربیت کے فروغ میں اہم کردار ادا کررہی ہے۔ انہوں نے کہا کہ داخلوں کے ضمن میں طلباء کی نئے آنے والوں کی رہنمائی کرنا خوش آئند ہے، اس ضمن میں طلباء کا جوش و جذبہ قابل دید ہے۔

خبر کا کوڈ: 1170721