QR Code

صیہونیوں کی کسی بھی ممکنہ غلطی کا سخت جواب آئیگا، جنرل محمد علی جعفری

22 Oct 2024 19:57

صحافیوں سے اپنی ایک گفتگو میں بقیۃ الله اجتماعی و ثقافتی گیریژن کے کمانڈر کا کہنا تھا کہ میں ایرانی عوام کو یقین دلاتا ہوں کہ اسرائیل کوئی بڑا و اہم قدم نہیں اٹھائے گا اور اگر وہ ایسا کرتا ہے تو ایک مایوس کُن کوشش کے سوا کچھ نہیں ہو گا۔

اسلام ٹائمز۔ اسلامی جمہوریہ ایران کے انقلابی گارڈز کی بقیۃ الله اجتماعی و ثقافتی گیریژن کے کمانڈر جنرل "محمد علی جعفری" نے صحافیوں سے گفتگو میں کہا کہ اسرائیل ہم پر حملے کی غلطی نہیں کر سکتا۔ لیکن یہ ہو سکتا ہے کہ اپنی عزت بچانے کے لئے کوئی چھوٹی سی حرکت کرے تاہم وہ ہمارے آپریشن وعدہ صادق2 کی طرز کے حملے کا سوچ بھی نہیں سکتا۔ انہوں نے کہا کہ دشمن کے حملے کو دیکھ کر اس کے انجام کا تعین کیا جائے گا۔ اگر صیہونیوں نے کوئی بڑی غلطی کی تو یقیناََ اس سے دس گنا بڑا جواب آئے گا۔ جنرل محمد علی جعفری نے کہا کہ دشمن کی جارحیت اور چیلنجز سے نمٹنے کے لئے ماضی سے ہی ہمارے منصوبے طے شدہ ہیں۔ تاہم میں ایرانی عوام کو یقین دلاتا ہوں کہ اسرائیل کوئی بڑا و اہم قدم نہیں اٹھائے گا اور اگر وہ ایسا کرتا ہے تو ایک مایوس کُن کوشش کے سوا کچھ نہیں ہو گا۔

خبر کا کوڈ: 1168037