آئی سی جے نے 26 ویں آئینی ترمیم کو عدلیہ کی آزادی کیلئے دھچکا قرار دیدیا
22 Oct 2024 09:52
آئی سی جے کے سیکریٹری جنرل سینٹیاگو کینٹن نے کہا کہ تبدیلیوں سے عدالتوں میں تعیناتیوں اور عدلیہ کے انتظامی معاملات پر سیاسی اثر و رسوخ میں غیر معمولی اضافہ ہوگیا ہے۔
اسلام ٹائمز۔ انٹرنیشنل کمیشن آف جیورسٹ (آئی سی جے) نے 26 ویں آئینی ترمیم کے قانون کو عدلیہ کی آزادی کے لیے دھچکا قرار دیتے ہوئے اس پر سخت تنقید کی ہے۔ بل کی منظوری پر ردعمل ظاہر کرتے ہوئے جاری کردہ ایک بیان میں آئی سی جے نے کہا کہ یہ ترمیم عدلیہ کی آزادی، قانون کی حکمرانی اور انسانی حقوق کے تحفظ کے لیے ایک دھچکا ہے۔ آئی سی جے کے سیکریٹری جنرل سینٹیاگو کینٹن نے کہا کہ تبدیلیوں سے عدالتوں میں تعیناتیوں اور عدلیہ کے انتظامی معاملات پر سیاسی اثر و رسوخ میں غیر معمولی اضافہ ہوگیا ہے۔
خبر کا کوڈ: 1167890