اسلام ٹائمز - 26 ویں آئینی ترمیم سے عام لوگوں کو ریلیف ملے گا، حفیظ الرحمن

26 ویں آئینی ترمیم سے عام لوگوں کو ریلیف ملے گا، حفیظ الرحمن

سابق وزیر اعلیٰ گلگت بلتستان کا کہنا تھا کہ منتخب نمائندوں نے آئینی بالادستی بنانے کیلئے مثبت کردار ادا کیا، عوامی فلاح و بہبود کے لیے قانون سازی کا اختیار منتخب نمائندوں کا کام ہے۔

اسلام ٹائمز۔ سابق وزیراعلی و صوبائی صدر پاکستان مسلم لیگ (ن) گلگت بلتستان حافظ حفیظ الرحمن نے 26 ویں آئینی ترمیم کی منظوری پر قوم کو مبارکباد پیش کی ہے۔ ایک بیان میں سابق وزیر اعلیٰ حافظ حفیظ الرحمن نے اس اہم آئینی اصلاحات کےلیے قائد مسلم لیگ (ن) میاں محمد نواز شریف، وزیراعظم محمد شہباز شریف، پیپلز پارٹی کے چیئرمین بلاول بھٹو زرداری، وفاقی کابینہ کے اراکین، جے یو آئی کے سربراہ مولانا فضل رحمان اور تمام اتحادی جماعتوں کی کاوشوں کو سراہا۔ حافظ حفیظ الرحمن نے کہا کہ 26 ویں آئینی ترمیم کی منظوری جمہوریت کی کامیابی ہے جسے ہمیشہ یاد رکھا جائے گا۔ انہوں نے کہا کہ 26 ویں آئینی ترمیم کی منظوری کا مقصد پارلیمنٹ کے وقار کو بحال کرنا ہے۔