اسلام ٹائمز - پاکستان کے زرِ مبادلہ ذخائر میں اضافہ

گورنر اسٹیٹ بینک جمیل احمد نے کہا کہ آئی ایم ایف کی قسط ملنے سے زرِ مبادلہ کے ذخائر بڑھے ہیں۔

اسلام ٹائمز۔ اسٹیٹ بینک آف پاکستان کے گورنر جمیل احمد کا کہنا ہے کہ پاکستان کے زرِ مبادلہ کے ذخائر میں اضافہ ہوا ہے۔ اپنے ایک بیان میں گورنر اسٹیٹ بینک نے بتایا کہ زرِ مبادلہ کے ذخائر مستحکم ہو رہے ہیں، بینکاری میں جدت لا کر معیشت کو فروغ دے سکتے ہیں۔ جمیل احمد نے کہا ہے کہ آئی ایم ایف کی قسط ملنے سے زرِ مبادلہ کے ذخائر بڑھے ہیں۔ واضح رہے کہ گزشتہ ہفتے پاکستان کو عالمی مالیاتی ادارے ( آئی ایم ایف ) سے 7 ارب ڈالرز کے بیل آؤٹ پیکیج کی پہلی قسط موصول ہوئی تھی۔