اسلام ٹائمز۔ صیہونی حکومت کی فوج کے سابق ترجمان نے لبنان کی حزب اللہ کے ناقابل تسخیر ہونے کا اعتراف کیا۔ المیادین کی رپورٹ کے مطابق عبرانی زبان کے ذرائع ابلاغ نے صیہونی حکومت کی فوج کے ایک سابق ترجمان کے حوالے سے نقل کیا ہے کہ اگر ہم سمجھتے ہیں کہ سید حسن نصراللہ سفید جھنڈا اٹھائیں گے تو سمجھ لیں کہ ہم نے ایک اسٹریٹجک غلطی کی ہے۔ انہوں نے مزید کہا کہ سید حسن نصر اللہ کی شخصیت اور الفاظ میں ہتھیار ڈالنے کی کوئی جگہ نہیں ہے اور لبنان پر اسرائیل کا زمینی حملہ ان کی سب سے بڑی خواہش ہے۔

صیہونی حکومت کے ذرائع ابلاغ نے بھی اعتراف کیا ہے کہ صفد شہر ویران ہو گیا ہے کیونکہ یہ حزب اللہ کا بڑا ہدف بن گیا ہے اور اس شہر میں تمام سرگرمیاں رک گئی ہیں۔حزب اللہ کے سیکریٹری جنرل نے اپنے حالیہ خطاب میں صیہونی حکومت کو خبردار کرتے ہوئے تاکید کی کہ حزب اللہ کے جوان لبنان کی سرزمین پر اس حکومت کے ٹینکوں کا مقابلہ کرنے کے لیے تیار ہیں۔

اسلام ٹائمز