اسلام ٹائمز - ایک بار پھر قوم نے بانی پی ٹی آئی سے لازوال محبت کا ثبوت دیا ہے، حلیم عادل شیخ

ایک بار پھر قوم نے بانی پی ٹی آئی سے لازوال محبت کا ثبوت دیا ہے، حلیم عادل شیخ

ایک بیان میں پی ٹی آئی رہنما نے کہا کہ رکاوٹوں کے باوجود عوام نے جوش و جذبے سے لاہور کے جلسہ میں شرکت کی، سندھ، پنجاب، بلوچستان، کے پی سمیت پورے ملک کے عوام کا ایک ہی لیڈر ہے۔

اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ لاہور کے تاریخی جلسے سے مخالفوں کے ہوش اڑ گئے ہیں۔ ایک بیان میں حلیم عادل شیخ نے کہا کہ ایک بار پھر قوم نے بانی پی ٹی آئی سے لازوال محبت کا ثبوت دیا ہے۔ حلیم عادل شیخ کا کہنا ہے کہ رکاوٹوں کے باوجود عوام نے جوش و جذبے سے لاہور کے جلسہ میں شرکت کی، سندھ، پنجاب، بلوچستان، کے پی سمیت پورے ملک کے عوام کا ایک ہی لیڈر ہے۔ پی ٹی آئی کے رہنما نے یہ بھی کہا کہ بانی پی ٹی آئی نے اس قوم کے لیے جو قربانی دی ہے وہ رائیگاں نہیں جائے گی۔