اسلام ٹائمز - کراچی میں کل سے درجہ حرارت میں اضافے کی پیشگوئی

کراچی میں کل سے درجہ حرارت میں اضافے کی پیشگوئی

محکمہ موسمیات کے مطابق کراچی کا کم سے کم درجۂ حرارت 26.5 ریکارڈ کیا گیا ہے جبکہ زیادہ سے زیادہ درجہ حرارت 32 سے 34 ڈگری سینٹی گریڈ رہنے کا امکان ہے۔ ہوا میں نمی کا تناسب 77 فیصد ہے جبکہ مغرب سے 18 کلو میٹر فی گھنٹہ کی رفتار سے ہوائیں چل رہی ہیں۔

اسلام ٹائمز۔ محکمہ موسمیات کی جانب سے کراچی میں کل سے درجہ حرارت میں اضافے کی پیشگوئی کی گئی ہے۔ محکمہ موسمیات کے مطابق شہر میں مطلع جزوی ابر آلود رہے گا تاہم پارہ اوپر جانے کا امکان ہے۔ محکمہ موسمیات کا کہنا ہے کہ سندھ کے بیشتر مقامات پر موسم گرم اور خشک رہنے کا امکان ہے جبکہ ضلع جامشورو میں آج کہیں کہیں بارش ہوسکتی ہے۔ محکمہ موسمیات کے مطابق کراچی کا کم سے کم درجۂ حرارت 26.5 ریکارڈ کیا گیا ہے جبکہ زیادہ سے زیادہ درجہ حرارت 32 سے 34 ڈگری سینٹی گریڈ رہنے کا امکان ہے۔ ہوا میں نمی کا تناسب 77 فیصد ہے جبکہ مغرب سے 18 کلو میٹر فی گھنٹہ کی رفتار سے ہوائیں چل رہی ہیں۔