QR Code
حزبالله کی جانب سے اسرائیلی جاسوسی مراکز پر حملے
14 Sep 2024 07:29
حزبالله نے گزشتہ چند مہینوں میں فلسطینی عوام کی حمایت میں اسرائیلی فوج کے سیکڑوں فوجی مقامات کو نشانہ بنایا ہے۔
اسلام ٹائمز۔ لبنان کی اسلامی مزاحمت نے اطلاع دی ہے کہ اس نے اسرائیلی فوج کے جاسوسی اور فوجی ٹھکانوں کو ڈرون اور میزائلوں سے نشانہ بنایا ہے۔ فارس نیوز کے مطابق حزبالله لبنان نے اپنے چوتھے بیان میں آج دوپہر (ہفتہ) کو اطلاع دی کہ اس نے خودکش ڈرونز کے ایک دستے کے ذریعے اسرائیلی فوج کے "حرمون 810" بریگیڈ کے ہیڈکوارٹر کو "معالیہ گولانی" بیس میں نشانہ بنایا ہے۔ لبنانی مزاحمت نے اپنے پانچویں بیان میں بھی یہ اطلاع دی کہ اس نے "الزاعوره" کے علاقے میں اسرائیلی فوج کی توپ خانے کی پوزیشن کو نشانہ بنایا ہے۔
حزبالله نے یہ بھی کہا کہ اسرائیلی فوج کے جاسوسی آلات کو حدب یارون کے فوجی مقام پر تباہ کیا گیا ہے۔ لبنانی اسلامی مزاحمت نے اپنے ساتویں بیان میں بھی ذکر کیا کہ آج دوپہر کے وقت حدب یارون کے فوجی مقام کو توپ خانے کے حملے کا نشانہ بنایا گیا ہے۔ آج دوپہر حزبالله نے اسرائیلی فوج کے 282 بیس پر بھی حملہ کیا جہاں اس حکومت کے میزائل اور اسلحے کے ذخیرے موجود تھے۔ حزبالله نے گزشتہ چند مہینوں میں فلسطینی عوام کی حمایت میں اسرائیلی فوج کے سیکڑوں فوجی مقامات کو نشانہ بنایا ہے۔ لبنان کی اسلامی مزاحمت نے تاکید کی ہے کہ یہ کارروائیاں اسرائیل کے غزہ پر حملوں کے جاری رہنے تک جاری رہیں گی۔
خبر کا کوڈ: 1160000