اسلام ٹائمز - عوامی مینڈیٹ چوری کرنیوالوں کو نہیں چھوڑیں گے، جمہوری وطن پارٹی

عوامی مینڈیٹ چوری کرنیوالوں کو نہیں چھوڑیں گے، جمہوری وطن پارٹی

اپنے بیان میں جمہوری وطن پارٹی کے ترجمان نے کہا کہ حلقہ پی بی 10 میں ووٹوں کی تصدیق نہ کرنیکا مقصد صرف اور صرف فارم 47 کے امیدواروں کو تحفظ دینا ہے۔

اسلام ٹائمز۔ جمہوری وطن پارٹی کے ترجمان میر شمس کرد نے کہا ہے کہ الیکشن ٹریبونل کی جانب سے پی بی 10 ڈیرہ بگٹی سے متعلق فیصلہ انصاف کی دھجیاں اڑانے کے مترادف ہے۔ ووٹوں کی تصدیق نہ کرنے کا مقصد صرف اور صرف فارم 47 کے امیدواروں کو تحفظ دینا ہے۔ یہی وجہ ہے کہ آج بھی ہمارے ملک میں انصاف کا معیار پست ہے۔ جس کے نتیجے میں عدالتی درجہ بندی میں پاکستان سب سے نیچے نظر آتا ہے، جو سوالیہ نشان ہے۔ ترجمان نے کہا کہ پارٹی کسی صورت عوامی مینڈیٹ چوری کرنے والوں کو نہیں چھوڑے گی، بلکہ اس سطح پر ان کو بے نقاب کرکے ڈٹ کر مقابلہ کرے گی۔