QR Code
پاکستانی زرمبادلہ کے ذخائر میں 7 کروڑ 50 لاکھ ڈالر کا اضافہ
1 Aug 2024 22:41
سرکاری ذخائر کی مالیت 26 جولائی کو 9 ارب 10 کروڑ 22 لاکھ ڈالر کی سطح پر آگئی۔
اسلام ٹائمز۔ اسٹیٹ بینک آف پاکستان نے کہا ہے کہ گزشتہ ہفتے کے دوران ملک کے سرکاری زرمبادلہ کے ذخائر میں 7 کروڑ 50 لاکھ ڈالر کا اضافہ ہوا، جس کے بعد ذخائر کا مجموعی حجم 14 ارب 39 کروڑ 22 لاکھ ڈالر ہوگیا۔ اسٹیٹ بینک کے اعداد و شمار کے مطابق زرمبادلہ کے سرکاری ذخائر میں گزشتہ ہفتہ کے دوران 7 کروڑ 50 لاکھ ڈالر کا اضافہ ریکارڈ کیا گیا، جس کے نتیجے میں سرکاری ذخائر کی مالیت 26 جولائی کو 9 ارب 10 کروڑ 22 لاکھ ڈالر کی سطح پر آگئی۔ مرکزی بینک نے بتایا کہ کمرشل بینکوں کے پاس 5 ارب 28 کروڑ 95 لاکھ ڈالر کے ذخائر موجود ہیں۔ اسٹیٹ بینک کے مطابق اس اضافے کے نتیجے میں زرمبادلہ کے مجموعی ذخائر کی مالیت 14 ارب 39 کروڑ 17 لاکھ ڈالر ہوگئی ہے۔
خبر کا کوڈ: 1151402