اسلام ٹائمز - نیتن یاہو کابینہ کی واحد تجویز جنگ کیبعد جنگ ہے، یائیر لیپڈ

نیتن یاہو کابینہ کی واحد تجویز جنگ کیبعد جنگ ہے، یائیر لیپڈ

غیرقانونی صیہونی رژیم کے رہنما حزب اختلاف نے غاصب صیہونی وزیراعظم پر کڑی تنقید کرتے ہوئے اعلان کیا ہے کہ طوفان الاقصی کو 300 روز گزر چکے ہیں اور اسرائیلی قیدی اب بھی زمین دوز سرنگوں میں موجود ہیں

اسلام ٹائمز۔ غیرقانونی صیہونی رژیم کے سربراہ حزب اختلاف یائیر لیپڈ (Yair Lapid) نے غاصب صیہونی وزیراعظم نیتن یاہو کے جنگی جنون پر ایک مرتبہ پھر کڑی تنقید کی ہے۔

اس حوالے سے جاری ہونے والے اپنے ایک بیان میں یائیر لیپڈ نے لکھا کہ (طوفان الاقصی کے) اس المیے کو 300 دن گزر چکے ہیں اور مغوی (اسرائیلی قیدی) ابھی تک زمین دوز سرنگوں میں ہیں! یائیر لیپڈ نے لکھا کہ نیتن یاہو کابینہ نے ہمیں صرف ایک ہی چیز دی ہے اور وہ ''جنگ کے بعد جنگ" ہے! صیہونی رہنما حزب اختلاف نے لکھا کہ ایک ایسے علاقائی اتحاد لئے واضح وژن تیار کیا جا سکتا ہے کہ جو جنگ کے خاتمے اور اسرائیل میں ایک باصلاحیت کابینہ کی تشکیل کا باعث بنے اور یہ وہ چیز ہے کہ جو عنقریب وقوع پذیر ہو جائے گی۔