QR Code
پولیس وردیوں میں ڈکیتی کرنیوالا پنجاب کا ڈان گروپ پشاور سے گرفتار
10 Jul 2024 19:34
ڈان نامی ڈکیت گروپ پولیس وردیوں میں ڈکیتیاں کرتا، پنجاب اور خیبر پختونخوا میں کرائے کے مکان لیکر گھروں کی ریکی کرتا جبکہ جدید اسلحے سے لیس گروپ لوٹی ہوئی رقم زیر زمین چھپا دیتا تھا۔
اسلام ٹائمز۔ پولیس وردیوں میں ڈکیتی کرنے والے پنجاب کے ’’ڈان گروپ‘‘ کو پشاور سے پشتخرہ پولیس نے گرفتار کر لیا۔ ڈان نامی ڈکیت گروپ پولیس وردیوں میں ڈکیتیاں کرتا، پنجاب اور خیبر پختونخوا میں کرائے کے مکان لیکر گھروں کی ریکی کرتا جبکہ جدید اسلحے سے لیس گروپ لوٹی ہوئی رقم زیر زمین چھپا دیتا تھا۔ ڈان گروپ نے 29 تولے سونا گھر سے لوٹا، اٹک میں 4 کروڑ روپے کی ڈکیتی کی اور 40 لاکھ روپے بھی پشاور میں لوٹے۔ ایس پی کینٹ وقاص رفیق کے مطابق اس گروپ نے 29 جنوری کو پشاور کے علاقے پشتخرہ کے ایک مکان میں پولیس سرچ آپریشن کے بہانے ڈکیتی کی تھی جس میں اہل خانہ کو یرغمال بنا کر تقریبا ایک کروڑ روپے کی ڈکیتی کی تھی۔
ایس ایچ او پشتخرہ احمد اللہ کی سربراہی میں ٹیم نے ’’ڈان گروپ‘‘ کے افغان سر غنہ سمیت تین ملزمان گرفتار کر لیے ہیں۔ ملزمان کی گرفتاری کے لیے پشتخرہ پولیس نے پنجاب اور ملک کے دیگر بڑے شہروں میں کئی روز تک چھاپے مارے۔
خبر کا کوڈ: 1146956