QR Code
قابض صہیونیوں کیجانب سے غزہ میں اپنے جرائم کا اعتراف
30 Mar 2024 22:31
غزہ میں 2 نہتے فلسطینی نوجوانوں کے قتل اور انکے جنازوں کو دبا دینے کا جواز پیش کرتے ہوئے قابض صہیونی فوج نے دعویٰ کیا کہ وہ ’’مشتبہ‘‘ تھے!
اسلام ٹائمز۔ غاصب اسرائیلی فوج نے غزہ کے الشفاء ہسپتال کے قریب ساحل سمندر پر 2 فلسطینی جوانوں کے قتل اور ان کے جنازوں کو ریت میں دبا دینے سے متعلق اپنے جنگی جرائم کا اعتراف کر لیا ہے۔
تفصیلات کے مطابق اس بارے میڈیا کے سوال کا جواب دیتے ہوئے غاصب صہیونی فوج کو کہنا تھا کہ وہ دونوں فلسطینی جوان ''انتہائی مشکوک'' انداز میں آپریشن ایریا کے قریب آ رہے تھے اس لئے انہیں اندھادھند فائرنگ کا نشانہ بناتے ہوئے موقع پر یی شہید کر دیا گیا۔
غاصب صیہونی فوج کی جانب سے اس جرم کا اعتراف الجزیرہ کی جانب سے اس وقوعے کی ویڈیو نشر کئے جانے کے 3 روز بعد سامنے آیا ہے۔
خبر کا کوڈ: 1125927