QR Code

لاہور، جامعہ زینبیہؑ کی دورہ مقدماتی فن خطابت ورکشاپ

3 Dec 2024 09:40

ڈاکٹر بشوی نے دوران خطاب اپنے موضوع، حرکات و سکنات اور اہم امور کا خیال رکھنے کی ہدایت کی۔ ورکشاپ کے اختتام پر باقاعدہ طالبات کا تحریری و تقریری امتحان لیا گیا، جس میں پوزیشن لینے والی طالبات کو انعامات سے بھی نوازا گیا۔علامہ ڈاکٹر محمد یعقوب بشوی نے ادارہ منہاج الحسینؑ کے سرپرست اعلیٰ علام ڈاکٹر محمد حسین اکبر کا خصوصی شکریہ ادا کرتے ہوئے کہا کہ ادارہ منہاج الحسینؑ ایک شجرہ طیبہ ہے، جو پاکستان کے سینکڑوں تشنگان علوم آل محمدؑ کو فکری اور علمی تربیت کر رہا ہے۔

اسلام ٹائمز۔ جامعہ زینبیہ ادارہ منہاج الحسین لاہور میں جامعہ مصطفیٰ العالمیہ ایران کی جانب سے علامہ ڈاکٹر یعقوب بشوی کی زیرنگرانی ورکشاپ کا انعقاد ہوا، جس کا مقصد جامعہ میں زیرتعلیم طالبات کو فن خطابت کے مختلف امور کے حوالے سے بہترین انداز میں آگاہی دی گئی۔ ڈاکٹر بشوی نے دوران خطاب اپنے موضوع، حرکات و سکنات اور اہم امور کا خیال رکھنے کی ہدایت کی۔ ورکشاپ کے اختتام پر باقاعدہ طالبات کا تحریری و تقریری امتحان لیا گیا، جس میں پوزیشن لینے والی طالبات کو انعامات سے بھی نوازا گیا۔ اس موقع پر بانی و سرپرست اعلیٰ ادارہ منہاج الحسینؑ اور رکن اسلامی نظریاتی کونسل علامہ ڈاکٹر محمد حسین اکبر نے خطاب کرتے ہوئے کہا کہ اتنے مختصر وقت میں طالبات کا ایک موضوع کو قرآنی آیات و حدیث کے حوالےسے تقریر کرنا قابل تحسین ہے۔ انہوں نے جامعہ مصطفیٰ العالمیہ ایران کے ایسے پروگرامز کے انعقاد کوسراہا اور شکریہ ادا کیا۔
 

خبر کا کوڈ: 1176293