QR Code
لاہور، آئی ایس او اور ایم ڈبلیو ایم کا سانحہ کرم کیخلاف مظاہرہ
22 Nov 2024 22:51
مقررین نے کہا کہ ہم کے پی حکومت سے مطالبہ کرتے ہیں کہ دہشتگردی میں ملوث عناصر کیخلاف تادیبی کارروائی عمل میں لائی جائے۔ انہوں نے کہا کہ پاراچنار اور نواحی علاقوں میں آپریشن کیا جائے اور دہشتگردوں کا مستقل بنیادوں پر خاتمہ کیا جائے۔ انہوں ںے کہا کہ ہم نے لاشوں پر بھی امن کی بات کی ہے، ہماری اس امن پسندی کو ہماری کمزوری نہ سمجھا جائے۔
اسلام ٹائمز۔ مجلس وحدت مسلمین پنجاب اور امامیہ اسٹوڈنٹس آرگنائزیشن پاکستان لاہور ڈویژن کے زیراہتمام لاہور پریس کلب کے باہر سانحہ پاراچنار کیخلاف بھرپور احتجاجی مظاہرہ کیا گیا۔ مظاہرے میں شرکاء نے پارٹی پرچم، پلے کارڈ اور بینرز اٹھا رکھے تھے، جن پر دہشت گردی کیخلاف نعرے درج تھے۔ مظاہرے کی قیادت علامہ ڈاکٹر سید دانش نقوی، علامہ سید سلمان نقوی، علامہ امتیاز کاظمی، علامہ حسن رضا ہمدانی سمیت دیگر علمائے کرام اور عمائدین ملت جعفریہ نے شرکت کی۔ مظاہرین نے دہشت گردی کیخلاف شدید نعرے بازی کی۔ مقررین نے سانحہ پارا چنار کی شدید مذمت کرتے ہوئے ذمہ داروں کو کیفر کردار تک پہنچانے کا مطالبہ کیا۔
خبر کا کوڈ: 1174188