اسلام ٹائمز - کھرمنگ میں بلتستان کی قدیم ثقافتی نمائش

نمائش میں مقامی کھانے، ملبوسات، دستکاری کے نایاب نمونے، زرعی آلات، گھریلو زیبائش کے سامان، قدیم ظروف، شکاری ہتھیار، موسیقی کے آلات، طبی ساز و سامان، جنگی اشیاء اور روزمرہ استعمال کی مصنوعات پیش کی گئیں۔

اسلام ٹائمز۔ ضلع کھرمنگ میں ضلعی انتظامیہ کے تعاون سے محکمہ تعلیم کھرمنگ کے زیر اہتمام ایک روزہ ملٹی کلچرل ڈے ایکسپو کا شاندار انعقاد کیا گیا۔ اس کثیر الجہتی ثقافتی تنوع پروگرام میں ضلعی ہیڈ ڈیپارٹمنٹ کے سربراہان نے شرکت کی۔ طلباء و طالبات نے کلچرل پروگرام میں مقامی تہذیب و ثقافت کو منفرد انداز میں اجاگر کیا۔ اس نمائش میں بلتی ثقافت کی بھرپور جھلک دیکھنے کو ملی، جس میں مقامی کھانے، ملبوسات، دستکاری کے نایاب نمونے، زرعی آلات، گھریلو زیبائش کے سامان، قدیم ظروف، شکاری ہتھیار، موسیقی کے آلات، طبی ساز و سامان، جنگی اشیاء اور روزمرہ استعمال کی مصنوعات پیش کی گئیں۔