اسلام ٹائمز - کراچی میں سالانہ مرکزی سہہ روزہ مجالس عزا

ایم ڈبلیو ایم ملیر اور ادارہ فروغ علوم محمدؐ و آل محمدؑ کے تحت مرکزی امام بارگاہ جعفرطیار سوسائٹی ملیر میں منعقدہ مجالس عزا سےخطیبِ دوراں حجتہ الاسلام و المسلمین علامہ سید علی رضا رضوی اور حجتہ الاسلام و المسلمین مولانا سید احمد اقبال رضوی نے خطاب کیا۔

اسلام ٹائمز۔ مجلس وحدت مسلمین ضلع ملیر کراچی اور ادارہ فروغ علوم محمدؐ و آل محمدؑ کے زیراہتمام سالانہ مرکزی سہہ روزہ مجالس عزا بسلسلہ شہادت دختر رسولؐ شہزادی کونینؑ حضرت فاطمتہ الزہرا سلام اللہ علیہا کا انعقاد مرکزی امام بارگاہ جعفرطیار سوسائٹی ملیر میں کیا گیا، جس میں نظامت اور تلاوت حدیث کساء کی سعادت قاری عباس رضا نقوی نے حاصل کی، سوزخوانی کے فرائض شاگردان شہید استاد سبط جعفرزیدیؒ (ادارہ ترویج سوزخوانی) نے انجام دیئے۔ بین الاقوامی شہرت یافتہ شاعر اہل بیتؑ میر حسین حیدر تکلم، ذیشان عابدی، موسیٰ رضوی اور شہزاد عالم زیدی نے بارگاہ شہزادی کونینؑ میں سلام عقیدت پیش کیا۔ مجالس عزا سےخطیبِ دوراں حجتہ الاسلام و المسلمین علامہ سید علی رضا رضوی اور حجتہ الاسلام و المسلمین مولانا سید احمد اقبال رضوی نے خطاب کیا۔ مجالس عزا میں عزاداروں کی کثیر تعداد نے شرکت کی۔ عزاداروں کیلئے سبیل حسینی کا بھی اہتمام کیا گیا تھا۔