QR Code
سردار مقاومت کی شہادت پر سکردو میں نکالی گئی ریلی کی جھلکیاں
1 Oct 2024 15:34
احتجاجی ریلی سے قبل مرکزی جامع مسجد سکردو میں قرآن خوانی اور تعزیتی ریفرنس کا اہتمام کیا گیا۔ جس میں شرکت کیلئے سکردو کے مختلف علاقوں سے لوگ ریلیوں کی شکل میں آئے۔ نماز ظہرین کے بعد مرکزی جامع مسجد سے یادگار شہداء تک ریلی نکالی گئی جس میں ہزاروں کی تعداد میں عوام کی شرکت کی۔
سردار مقاومت سید حسن نصر اللہ کی شہادت کیخلاف سکردو میں ہزاروں افراد سڑکوں پر نکل آئے اور ظالم و جابر صیہونی ریاست کیخلاف اپنے بھرپور غم و غصّے کا اظہار کرتے ہوئے شہید حسن نصر اللہ کی راہ پر گامزن رہنے اور ان کے مشن کے ساتھ منسلک رہنے کا عزم و ارادے کا اظہار کیا۔ سکردو میں احتجاج کی کال مرکزی انجمن امامیہ کی جانب سے دی گئی تھی۔ سید حسن نصر اللہ کی شہادت پر گلگت بلتستان میں تین روزہ سوگ منایا جا رہا ہے جبکہ اتوار کے روز بلتستان بھر میں شٹر ڈاؤن ہرتال بھی کی گئی۔
خبر کا کوڈ: 1163703