اسلام ٹائمز - جامعہ نجف سکردو میں جشن صادقین

تقریب کی صدارت معروف عالم دین جامعة النجف سکردو کے استاد حجۃ الاسلام شیخ غلام محمد ملکوتی نے کی جبکہ نائب صدر انجمن امامیہ بلتستان شعلہ بیان خطیب حجۃ الاسلام شیخ زاہد حسین زاہدی اس محفل کے مہمانِ خصوصی تھے۔

اسلام ٹائمز۔ حضرت محمد مصطفی (صلی اللہ علیہ وآلہ وسلم) اور حضرت امام جعفر صادق (علیہ السلام) کی ولادت باسعادت نیز ہفتہ وحدت کی مناسبت سے حوزہ علمیہ جامعۃ النجف سکردو میں ایک پروقار محفل میلاد منعقد ہوئی۔ اس تقریب کی صدارت معروف عالم دین جامعة النجف سکردو کے استاد حجۃ الاسلام شیخ غلام محمد ملکوتی نے کی جبکہ نائب صدر انجمن امامیہ بلتستان شعلہ بیان خطیب حجۃ الاسلام شیخ زاہد حسین زاہدی اس محفل کے مہمانِ خصوصی تھے۔ اس بابرکت تقریب کا آغاز تلاوت قرآن مجید سے ہوا جس کا شرف گروہِ تلاوت جامعۃ النجف سکردو نے حاصل کیا۔ جامعہ ھذا کے طالب علم رضوان علی نوری نے بارگاہ رسالت میں عقیدت کے پھول نچھاور کیے۔