QR Code

لاہور،آئی او کے زیراہتمام شہید عارف حسینیؒ کی برسی کی مناسبت سے سیمینار

6 Aug 2024 20:44

لاہور میں منعقدہ سیمینار سے خطاب میں مقررین کا کہنا تھا کہ پہلی بار شہید قائد نے ملت جعفریہ کا دستور ’’ہمارا راستہ‘‘ نے نام سے جاری کیا۔ قائد شہید کی فکر سے آج بھی ملت موجودہ بحران سے نکل سکتی ہے۔ انہوں نے کہا کہ علامہ عارف حسین الحسینیؒ شب زندہ دار تھے۔

اسلام ٹائمز۔ امامیہ آرگناٸزیشن پاکسان لاہور ریجن نے قاٸد شہید علامہ سید عارف حسین الحسینیؒ کی 36 ویں برسی کے موقع پر سیمینار اور شہید راہ مقاومت کی شہادت پر تعزیتی ریفرنس کا انعقاد کیا۔ تقریب سلمان فارسی آڈیٹوریم محمدی مسجد گلبرگ لاہور میں منعقد ہوئی۔ پروگرام کے انعقاد میں امامیہ سٹوڈنٹس آرگناٸزیشن لاہور ڈویژن اور مجلس وحدت مسلمین ضلع لاہور نے خصوصی معاونت کی۔ سیمینار سے امامیہ آرگناٸزیشن پاکستان کے مرکزی ناظم تعلیمات و تبلیغات لعل مہدی خان، سابق چیئرمین افسر حسین خان، ریجنل ناظم آئی او لاہور نسیم عباس کاظمی، سابق ریجنل ناظم سید قاسم رضا اور سابق یونٹ صدر امامیہ کالونی یونٹ غلام عباس نے خطاب کیا۔

خبر کا کوڈ: 1152374