اسلام ٹائمز - خوشاب، عزاداری کونسل کا اجلاس

انجمن حسینیہ جوہر آباد کے زیر انتظام ضلع خوشاب کی عزاداری کونسل کا اجلاس مرکزی جامع مسجد حسینیہ میں منعقد ہوا، اجلاس میں ضلع بھر کے بانیان عزاداری، بانیان مجالس اور جلوس، شیعہ علمائے کرام اور ماتمی سنگتوں کے سالاران سمیت کثیر تعداد میں عزاداروں نے شرکت کی۔

اسلام ٹائمز۔ انجمن حسینیہ جوہر آباد کے زیر انتظام ضلع خوشاب کی عزاداری کونسل کا اجلاس مرکزی جامع مسجد حسینیہ میں منعقد ہوا، اجلاس میں ضلع بھر کے بانیان عزاداری، بانیان مجالس اور جلوس، شیعہ علمائے کرام اور ماتمی سنگتوں کے سالاران سمیت کثیر تعداد میں عزاداروں نے شرکت کی۔ اجلاس کی صدارات علامہ سید محمد تقی نقوی نے کی۔ مقررین نے اپنے خطابات میں پولیس کتابچہ میں غلط اندراجات، گھروں کے اندر ہونے والی عزاداری کے پروگرامز پر بے جا پابندیوں پر احتجاج کیا۔ مجالس کے اجازت نامہ کے طریقہ کار کو آسان بنانے کا مطالبہ بھی کیا گیا۔ عشرہ محرم میں انتظامیہ کے نامناسب رویہ پر عدم اعتماد کیا گیا، متفقہ طور پر مرکزی امام بارگاہ میں محرم ایمرجنسی کنڑول سیل کے قیام کا فیصلہ کیا گیا، انجیئنیر ملک امداد حسین بگھور کو متفقہ طور پر عزاداری کونسل ضلع خوشاب کا صدر نامزد کیا گیا۔