اسلام ٹائمز - لاہور، جامعہ المنتظر میں ڈاکٹر ابراہیم کی یاد میں تعزیتی ریفرنس

لاہور، جامعہ المنتظر میں ڈاکٹر ابراہیم کی یاد میں تعزیتی ریفرنس

وفاق المدارس الشیعہ کے سیکرٹری جنرل کا کہنا تھا کہ سیاستدان کی نظر آئندہ الیکشن تک جبکہ رہبر کی نظر آئندہ نسلوں تک ہوتی ہے۔ بانی انقلاب اسلامی امام خمینیؒ سیاستدان نہیں، رہبر تھے۔ امریکہ جتنی کوشش کر لے انقلاب اسلامی کو نقصان نہیں پہنچا سکتا۔ امام خمینیؒ کے بعد خامنہ ای اور ابراہیم رئیسی انقلاب اسلامی کے مشن کو لے کر چلے۔ اب مزید سینکڑوں خمینی پیدا ہو چکے ہیں۔

اسلام ٹائمز۔ حوزہ علمیہ جامعتہ المنتظر ماڈل ٹاون میں ایران کے شہید صدر آیت اللہ ابراہیم رئیسی، وزیر خارجہ حسین امیر عبداللہیان اور دیگر ساتھیوں کی یاد میں مجلس تجلیل و ترحیم برائے بلندی درجات شھدائے خدمت منعقد کی گئی۔ مجلس سے خطاب کرتے ہوئے وفاق المدارس الشیعہ پاکستان کے سیکرٹری جنرل علامہ محمد افضل حیدری نے کہا آیت اللہ ابراہیم رئیسی کی شہادت نے انقلاب اسلامی کو کمزور نہیں کیا، بلکہ اسے تقویت دی ہے۔ انہوں نے کہا سیاستدان کی نظر آئندہ الیکشن تک جبکہ رہبر کی نظر آئندہ نسلوں تک ہوتی ہے۔ بانی انقلاب اسلامی امام خمینیؒ سیاستدان نہیں، رہبر تھے۔ امریکہ جتنی کوشش کر لے انقلاب اسلامی کو نقصان نہیں پہنچا سکتا۔ امام خمینیؒ کے بعد خامنہ ای اور ابراہیم رئیسی انقلاب اسلامی کے مشن کو لے کر چلے۔ اب مزید سینکڑوں خمینی پیدا ہو چکے ہیں۔