اسلام ٹائمز - پاراچنار کے اعلیٰ سطحی وفد کی ایرانی قونصل جنرل سے تعزیت

پاراچنار کے اعلیٰ سطحی وفد کی ایرانی قونصل جنرل سے تعزیت

انجمن حسینیہ پاراچنار، تحریک حسینی پاراچنار، مرکزی ادارہ تبلیغات کے اراکین، اساتذہ مدرسہ جعفریہ اور مجلس علماء اہلبیتؑ کے رہنماوں نے پشاور میں ایرانی قونصلیٹ اور خانہ فرہنگ کا دورہ کیا۔

اسلام ٹائمز۔ انجمن حسینیہ پاراچنار، تحریک حسینی پاراچنار، مرکزی ادارہ تبلیغات کے اراکین، اساتذہ مدرسہ جعفریہ اور مجلس علماء اہلبیتؑ کے رہنماوں نے پشاور میں ایرانی قونصلیٹ اور خانہ فرہنگ کا دورہ کیا۔ اس موقع پر پاراچنار کے علمائے کرام اور رہنماوں نے ہیلی کاپٹر حادثے میں شہید ہونے والے ایرانی صدر آیت اللہ ڈاکٹر سید ابراہیم رئیسی، وزیر خارجہ امیر عبداللہیان سمیت دیگر تمام شہداء کی شہادت پر تعزیت و تسلیت عرض کی اور شہداء کیلئے دعا بھی کی۔