اسلام ٹائمز - وادی کشمیر میں نماز جمعہ کے اجتماع میں فلسطینی عوام کیساتھ اظہار یکجہتی

وادی کشمیر میں نماز جمعہ کے اجتماع میں فلسطینی عوام کیساتھ اظہار یکجہتی

انجمن شرعی شیعیان کے جنرل سکریٹری نے کہا کہ کشمیری ملت ہمیشہ کی طرح آج بھی فلسطینی عوام کی حمایت کا اعلان کرتی ہے۔

اسلام ٹائمز۔ مرکزی امام باڑہ ضلع بڈگام (مقبوضہ کشمیر) میں نماز جمعہ کے بھاری اجتماع سے خطاب کرتے ہوئے آغا سید مجتبٰی عباس الموسوی الصفوی نے فلسطین کے حوالے سے تفصیلی گفتگو کی۔ انہوں نے کہا کہ فلسطینی عوام اسرائیلی بربریت کی شکار ہے اور اس پر عالم اسلام کے حکمران خاموش تماشائی نظر آرہے ہیں۔ انہوں نے کہا کہ عالمی طاقتوں کو سامنے آکر اسرائیل کے خلاف ٹھوس اقدام اٹھانے چاہیئے۔ انجمن شرعی شیعیان کے جنرل سکریٹری آغا سید مجتبٰی الموسوی نے کہا کہ کشمیری ملت ہمیشہ کی طرح آج بھی فلسطینی عوام کی حمایت کا اعلان کرتی ہے۔ آغا سید مجتبیٰ الموسوی نے صدر انجمن شرعی شیعیان حجت الاسلام والمسلمين آغا سید حسن الموسوی الصفوی کی کاوشوں کو دہراتے ہوئے کہا کہ باب العلم کشمیر دو طالبعلموں بنام حافظ مزمل احمد ڈار ساکن چوند پورہ اور حافظ محمد جعفر ڈار ساکن اندرکوٹ نے مکمل حفظ کلام الله کا اعزاز حاصل کرکے وادی کشمیر میں ہمارے قوم کا سر افتخار سے بلند کیا جو خواب ہماری قوم کو مدت دراز سے تھا۔ انہوں نے مزید کہا کہ اسی طرح ’المصطفٰی جامعہ مسجد‘ جس کی تکمیل پر لوگ فخر کریں گے اس کے تعمیر کے لئے ہم سب کو سبقت لینے کی اہم ضرورت ہے۔