سکردو میں دوسرے روز بھی مظاہرہ
27 Dec 2023 21:51
گندم کی قیمت میں اضافے کیخلاف احتجاجی تحریک کے دوسرے مرحلے میں کل جماعتی اتحاد کی جانب سے سکردو میں روزانہ احتجاجی دھرنے کا اعلان کیا گیا تھا۔
اسلام ٹائمز۔ گندم کی قیمت میں اضافے کے خلاف بلتستان کے مختلف علاقوں میں مسلسل دوسرے روز بھی احتجاجی مظاہرہ کیا گیا۔ سکردو میں یادگار شہداء چوک پر منعقدہ مظاہرے میں شہریوں کی کثیر تعداد شریک ہوئی۔ شگر، روندو میں بجی انجمن تاجران کے زیر اہتمام مظاہرے ہوئے۔ گندم کی قیمت میں اضافے کیخلاف احتجاجی تحریک کے دوسرے مرحلے میں کل جماعتی اتحاد کی جانب سے سکردو میں روزانہ احتجاجی دھرنے کا اعلان کیا تھا جس کے تحت آج دوسرے روز بھی مظاہرہ کیا گیا۔
خبر کا کوڈ: 1105327