اسلام ٹائمز - دستہ امامیہ کراچی کے تحت جشن وفا

جشن وفا میں ملک کے مشہور و معروف منقبت خواں و شعرائے کرام نے بارگاہ معصومین علیہم السلام میں عقیدت کے پھول نچھاور کئے۔ جشن سے خطاب مولانا حیات عباس نجفی نے کیا جبکہ علامہ صادق جعفری نے اختتامی دعائیہ کلمات ادا کئے۔

اسلام ٹائمز۔ امامیہ اسٹوڈنٹس آرگنائزیشن پاکستان کراچی ڈویژن کے ذیلی ادارے دستہ امامیہ کراچی کے زیرِ اہتمام ولادت باسعادت شہنشاہ وفا حضرت عباس علمدار (ع) کی مناسبت سے جشن وفا و جشنِ انوار شعبان المعظم کا انعقاد کیا گیا۔ جشن وفا میں ملک پاکستان کے مشہور و معروف منقبت خواں و شعرائے کرام نے بارگاہ معصومین علیہم السلام میں عقیدت کے پھول نچھاور کئے۔ جشن سے خطاب مولانا حیات عباس نجفی نے کیا جبکہ مجلس وحدت مسلمین کراچی کے صدر علامہ شیخ محمد صادق جعفری نے اختتامی دعائیہ کلمات ادا کئے۔ قبل ازیں امامیہ اسکاؤٹس کی جانب سے یوم وفا کی مناسبت سے علم حضرت عباس علمدار (ع) پر اسکاؤٹس سلامی بھی پیش کی گئی۔