Islam Times - İran və Avropa "üçlüyü"nün görüşü olacaq

IslamTimes - İran nümayəndə heyəti ilə Avropa “üçlüyü” (Böyük Britaniya, Almaniya və Fransa) arasında dialoqun növbəti mərhələsi yanvarın sonucu həftəsi keçiriləcək.

“Report” İSNA-ya istinadən xəbər verir ki, bunu İran Xarici İşlər Nazirliyinin mətbuat katibi İsmayıl Bəqai bildirib.

Onun sözlərinə görə, ötən görüşdə danışıqları davam etdirmək barədə razılıq əldə edilib. İsmayıl Bəqai qeyd edib ki, bu, dialoqdur, qərar qəbul etmək üçün müzakirə deyil: “Bir sıra məsələlər, o cümlədən İranın nüvə proqramı müzakirə olunacaq”.

Qeyd edək ki, sonuncu görüş noyabrın 29-da İsveçrənin Cenevrə şəhərində keçirilib. Diplomatlar regional, qlobal problemləri, habelə Livan və Fələstinə dair məsələləri, İran nüvə proqramını müzakirə ediblər.