Islam Times - Qallant: İsrailin keçmiş müharibə naziri yalançıdır

IslamTimes - Sionist rejim hazırda Qəzzada fələstinlilərin soyqırımı kimi ciddi ittihamlarla üz-üzədir. Bu məsələ o qədər aydındır ki, hətta işğal olunmuş ərazilərin daxilindəki siyasi hakimiyyət də bunu təsdiqləyir.

Sionist rejimin keçmiş müharibə naziri, hazırda Beynəlxalq Cinayət Məhkəməsi tərəfindən bəşəriyyət əleyhinə cinayətlərə görə mühakimə olunan Yoav Qallant sionist rejimin digər keçmiş müharibə naziri Moşe Yaalonun açıqlamalarına sərt reaksiya verib.

Moşe Yaalon bir müddət əvvəl Netanyahunun radikal kabinetini tənqid edib və etiraf edib ki, bu rejim fələstinlilərin soyqırımı və Qəzzada sionist yaşayış massivlərinin inşası məsələsini yenidən başladıb.

Yaalonun sözlərini rədd edən Qallant X sosial şəbəkəsindəki (keçmiş Twitter) şəxsi səhifəsində yazıb: "Moşe Yaalonun sözləri yalandan başqa bir şey deyil və yalnız İsrailin düşmənlərinə kömək edir və bizə zərər verir."

Bu açıqlamanın davamında yaşayış məntəqələrinin bombalanmasına və fələstinli mülki əhalinin qətliamına toxunmadan Qallant həyasızcasına iddia edib: "İsrail ordusu Qəzza müharibəsində mürəkkəb və çətin müharibələrdə istifadə oluna biləcək ən yüksək standartlar əsasında hərəkət etdi!"