Islam Times - SEPAH Quru Qoşunları ilə Azərbaycan Ordusunun birgə təlimi başlayıb

IslamTimes - “Araz birgə təlimi” adı altında İran İslam İnqilabı Keşikçiləri Korpusunun Quru Qoşunlarının xüsusi təyinatlıları ilə Azərbaycan Respublikası Ordusunun xüsusi təyinatlılarının birgə təlimi keçirilir.

Bu gündən Ərdəbil əyalətinin Aslandüz sərhəd şəhərinin ümumi ərazisində “Araz birgə təlimi” adı altında İran İslam İnqilabı Keşikçiləri Korpusunun Quru Qoşunlarının xüsusi təyinatlıları ilə Azərbaycan Respublikası Ordusunun xüsusi təyinatlılarının birgə təlimi keçirilir.

İki ölkənin xüsusi təyinatlı qüvvələrinin iştirakı ilə ölkənin şimal sərhəd bölgələrinin əlçatmaz yüksəkliklərində 4 günlük təlim başlayıb.

Bu təlimin keçirilməsində məqsəd ikitərəfli münasibətləri gücləndirmək, mütəşəkkil qanunsuz silahlı birləşmələrə qarşı mübarizədə birgə əməkdaşlıq, ümumi sərhədlərin təhlükəsizliyi, hər iki ölkənin ümumi maraqlarını təmin etmək məqsədilə bağlanan razılaşmalar əsasında hərbi potensialın artırılması, müdafiə sahəsində əməkdaşlığın taktiki və əməliyyat müstəvisində genişləndirilməsi elan edilib.

Bu gün səhər (bazar günü) Azərbaycan Respublikasının hərbi nümayəndə heyəti Ərdəbil vilayətinin Biləsuvar şəhərinin sərhəd terminalından Ərdəbil Vilayəti Ordu Korpusunun komandanı və bu təlimdə iştirak edən komandirlər tərəfindən qarşılanıb.

Həmçinin, təlimlərin keçirildiyi ərazidə olan Azərbaycan Respublikasının yüksək rütbəli hərbi nümayəndə heyəti istənilən sərhəd təhlükəsi qarşısında birgə təlimlərə lazımi hazırlıq gördüyünü bəyan edib.

Bu təlimin təfərrüatları açıqlanacaq.