Islam Times - Qondarma rejimin diplomatı yenə də üzə çıxdı

İslamtimes - Qəzzə və Livanda törətdiyi vəhşiliklərinə görə Azərbaycanın ictimai rəyində qınaq obyektinə çevrilən işğalçı İsrail rejiminin Bakıdakı səfiri İran İslam Respublikası başda olmaqla Müqavimət Mehvərini şantaj edib.

Corc Dik APA Xəbər Agentliyi ilə müsahibədə mənsub olduğu rejimə bəraət qazandırmağa çalışaraq, xunta rejiminin guya özünü müdafiə etdiyini iddia edib və onun soyqırımı törətməsini ört-basdır edib.
Sionist səfir öz sərsəm fikirləri əsasında qeyd edib ki, İsrail rejimi HƏMAS-ı guya hərbi qüvvə kimi məhv edib, Livan Hizbullahına güclü zərbə vurub.
Bu elə bir haldadır ki, qondarma rejim bu günədək nəinki Qəzzə əməliyyatında qarşıya qoyduğu məqsədlərinə çata bilməyib, hətta soyqırımı tərətdiyinə xatir özünü rüsvayçı vəziyyətə salıb və rejim daxilində çəkişmələr şiddətlənib. Son günlər hərb naziri Yoav Qallantın istefası bunun bariz nümunəsidir.
Hizbullah ilə döyüşdə isə İsrail ağır tələfat verib və işğal olunmuş ərazilərin şimalı birbaşa zərbə altındadır, üstəlik Livan Hizbullahı Netanyahunun iqamətgahını hədəfə almaqla qəsbkar rejimi küncə sıxışdırıbdır.
Corc Dik müsahibənin davamında İsrailin İrana uzaqdan hücumunun da guya uğurlu olduğunu iddia edib. “Son vaxtlar İrana hücum etdik və bu, onların hərbi sənayesində, xüsusən də ballistik raket istehsalında böyük geriləmə ilə nəticələndi. Baş nazirimiz bir neçə dəfə bəyan edib ki, İsrail heç vaxt İranın nüvə silahına sahib olmasına icazə verməyəcək, çünki bunun nə ilə nəticələnəcəyini bilirik”, - deyə işğalçı rejim səfiri Sepah-ın Doğru Vəd Əməliyyatlarından aldığı zərbələri kölgələməyə çalışıb.
Diplomatın ən səfeh fikri isə İranın guya getdiyi hər bir ölkəni məhv etməsi iddiası olub. O deyib: “Mənə dünyada bir yer göstərin ki, İran ora müdaxilə edərək oranı daha yaxşı bir yerə çevirib. Suriya, Livan, Yəmən, Qəzzə, İraq - bütün bu yerlər insanların yoxsulluqdan əziyyət çəkdiyi və İranın özünü müdafiə etmək üçün etibarlı zəncir qurması naminə uğursuz dövlətlərə çevrilib”.
Bu cəfəngiyyat şübhəsiz ki, Corc Dikin ilk növbədə Azərbaycan ictimaiyyətinin şüuruna hörmətsizlikdir. Zira İranın Yaxın Şərqdə terrorizm ilə mübarizəyə böyük töhfə verdiyindən hamı xəbərdardır, xüsusilə də hər bir kəs etiraf edir ki, şəhid general Qasim Süleymani olmasaydı, Bağdad və Dəmşq İŞİD terror qruplaşması tərəfindən işğal olunacaqdı. Və bu əlbəttə ki, İranın müsəlman xalqlara olan təəssübkeşliyindən irəli gəlir.