Islam Times - Hizbullahdan işğalçı İsrailə qarşı uğurlu əməliyyatlar

IslamTimes - Hizbullah Müqavimət Hərəkatı bu gün işğalçı İsrailə qarşı bir neçə uğurlu əməliyyat keçirib.

Qərb silahları ilə təchiz olunmuş işğalçı İsrail rejimi hava hücumları ilə Livanda dinc sakinləri qətliam etməsinə baxmayaraq, bu ölkəyə qarşı quru əməliyyatlarına başlayan gündən sanki bataqlığa düşüb.

Əl-Cəzirə telekanalının məlumatına görə, Livan Hizbullahı bəyanat yayaraq elan edib: "Döyüşçülərimiz Livanın cənubunda sionist düşmənin 3 Merkava tankını hədəfə alıb məhv etməyə müvəffəq olublar."

Bu bəyanatda əlavə olunur: "Bu tanklar işğal olunmuş ərazilərlə sərhədin şərq tərəfindəki Marun ər-Ras kəndində idarə olunan raketlərlə hədəfə alınıb.

Hizbullah həmçinin Livanın cənubunda sionist qüvvələrin pusquya düşürüldüyünü və ağır itkiyə məruz qaldığı və tələfat verdiyini açıqlayıb.

İsrail ordusu bəyanat yayaraq, Hizbullah döyüşçülərinin hücumlarında 8 əsgərinin öldüyünü rəsmən təsdiqləyib.