Islam Times - Vaşinqton Livana görə işğalçı İsrailə xəbərdarlıq edib

IslamTimes - ABŞ "Hizbullah"a qarşı keçirilən əməliyyatlar zamanı Livanın hökumət infrastrukturunun məhv edilməməsinə qarşı olduğunu və bu tələbin İsrail qarşısında qaldırıldığını bəyan edib.

Oxu.Az-ın xəbərinə görə, bu barədə işğalçı İsrailin 12-ci kanalı məlumat verib.

Vaşinqton, həmçinin bölgədə genişmiqyaslı müharibəyə səbəb olacaq hadisələrin Birləşmiş Ştatlar üçün "qırmızı xətt" olduğunu Tel-Əvivin nəzərinə çatdırıb.

Xatırladaq ki, iki gün əvvəl cinayətkar İsrail rejiminin Livanın cənubuna endirdiyi raket zərbələri nəticəsində 558 nəfər dinc sakin həyatını itirib, hökumət infrastrukturuna ciddi zərər dəyib.