Islam Times - BMT: Qəzzada vəziyyət fəlakətdən daha pisdir!

IslamTimes - BMT baş katibinin sözçüsü Stefan Dujarrik bildirib ki, BMT humanitar təşkilatların Qəzza zolağında həyati əhəmiyyətli fəaliyyətlərini həyata keçirə bilməsi üçün sionist rejimə təzyiq edir.

Əl-Cəzirə telekanalının məlumatına görə, Dujarrik, Qəzzada insanların vəziyyətinin "fəlakətdən daha acınacaqlı" olduğuna və Qəzzanın mərkəzi və cənubunda bir milyondan çox insanın bir ay əvvəldən bəri heç bir qida payı almadığına diqqət çəkib.

Bu açıqlamalar Qəzzanın Səhiyyə Nazirliyinin işğalçı qüvvələrin uşaqların vaksinasiyası üçün Qəzza və bəzi digər bölgələrə daxil olmasına mane olduğunu elan etməsindən sonra verilib. Bildirilib ki, bu qrup Xan Yunis məntəqəsi və uşaqların böyük bir hissəsinin yaşadığı Qəzza zolağının cənub bölgələrinə doğru hərəkət etməli idi, lakin işğalçı İsrail qüvvələri onların şəhərə girməsinə mane olub.

Qeyd edək ki, Qəzzada qida böhranı da hər ötən gün daha da ağırlaşır. Qəzza əhalisinin yarısı 5-ci mərhələdədir (qida fəlakəti vəziyyəti). 5-ci mərhələ ərzaq təhlükəsizliyinin ən yüksək vəziyyətidir və əgər regionda ailələrin ən azı 20%-i ciddi qida çatışmazlığı ilə üzləşirsə və uşaqların ən azı 30%-i kəskin qida çatışmazlığından əziyyət çəkirsə elan edilir.