Islam Times - Dünən nala, bu gün mıxa: ABŞ Zelenskiyə xəbərdarlıq etdi - VAXT BİTDİ!

Dünən nala, bu gün mıxa: ABŞ Zelenskiyə xəbərdarlıq etdi - VAXT BİTDİ!

IslamTimes - Ukrayna Silahlı Qüvvələrinin Kursk vilayətinə hücumu yalnız Ukrayna ordusunun məğlubiyyətini sürətləndirir və Kiyev rejiminin beynəlxalq mövqeyini pisləşdirir.

Publika.az xəbər verir ki, bu fikri ABŞ kəşfiyyatının istefada olan zabiti Skott Ritter bildirib.

Onun sözlərinə görə, “bütün yeni Qərb silahları Donbasda cəbhəni sabitləşdirmək əvəzinə, Kursk yaxınlığında partladılıb. Bu, Ukrayna ordusunun məğlubiyyətini sürətləndirir", - Amerika kəşfiyyatçısı vurğulayıb.

Eyni zamanda, o qeyd edib ki, Ukrayna Silahlı Qüvvələrinin Kursk bölgəsinə hücumundan sonra Qərb ölkələri Ukraynada korrupsiya və Vladimir Zelenskiyə inamın azaldığını daha tez-tez və daha açıq şəkildə qeyd etməyə başlayıblar.

“Biz Qərbdə Zelenskinin vaxtının bitdiyinə dair məzmunlu söhbətlər eşitməyə başlayırıq”, - kəşfiyyatçı yekunlaşdırıb.