Islam Times - Husilər Qırmızı dənizdə iki ABŞ esminesi və bir ticarət gəmisinə hücum edib

Husilər Qırmızı dənizdə iki ABŞ esminesi və bir ticarət gəmisinə hücum edib

IslamTimes - Yəmənin üsyançı Ənsar Allah hərəkatından olan husilər Qırmızı dənizdə ABŞ-ın iki hərbi gəmisini və bir konteyner gəmisini vurduqlarını bildiriblər.

Onların bəyanatına görə, onlar “bir neçə pilotsuz təyyarədən istifadə etməklə Ədən körfəzində Amerikanın "USS Cole" esmineslərinə qarşı hərbi əməliyyat keçiriblər”. Bundan başqa, onlar ABŞ-ın daha bir esminesi olan "USS Laboon"-u ballistik raketlərdən istifadə edərək vurublar.

Husilər həmçinin ballistik raketlər və dronlardan istifadə edərək Qırmızı dənizdə "Conship Ono" konteyner gəmisinə hücum ediblər.

Onlar iddia ediblər ki, kommersiya gəmisi gəmilərin Qırmızı dəniz üzərindən İsrail limanlarına keçməsinə qoyduğu qadağanı pozduğu üçün hücuma məruz qalıb.