Islam Times - The Guardian: İsrailə qarşı diplomatik sunami yaranır

IslamTimes - Avropa İttifaqı Şurasına dövri sədrlik edən Belçikanın baş naziri Alexander De Croo, İsrailə qarşı ticarət qadağası tətbiq etmək üçün həmfikir müttəfiqlər axtardığını bildirib.

İngiltərənin "Guardian" qəzetinin cümə günü dərc etdiyi təhlilə görə, işğalçı İsrailin Qəzzada törətdiyi cinayətlər, işğal altındakı İordan çayının qərb sahilində fələstinlilərə qarşı zorakılıq və hücumların kəskin artması sionist rejimin baş naziri Binyamin Netanyahunun Fələstin dövlətinin yaradılması istiqamətində irəliləyişə razılıq verməməsi ilə bağlı dünyanın uzunmüddətli məyusluğunu daha da artırıb. Bu hadisələr Tel-Əvivi müxtəlif cəbhələrdə diplomatik sunami ilə üz-üzə qoyub.

Hesabata görə, Fələstin torpaqlarında qeyri-qanuni məskunlaşmış sionistlərin zorakılığına görə Avropa ölkələri və ABŞ tərəfindən az qala hər ay elan edilən sanksiyalar var və onun əhatə dairəsi getdikcə genişlənir və daha çox potensial hədəflər hələ də araşdırılır. Digər tərəfdən, ABŞ-ın açıqladığı kimi, Netanyahunun Qəzzanın cənubundakı Rəfah şəhərinə hücumda israrlı olması səbəbindən İsrailə ağır sursat göndərilməsi dayandırılıb. İrlandiya və İspaniya da Fələstin dövlətini tanımağa sadiq olduqlarını bildiriblər. Həmçinin, Avropada İsrail məhsullarına ticarət qadağası üçün təzyiqlər güclənir.

Avropa İttifaqı Şurasına dövri sədrlik edən Belçikanın baş naziri Alexander De Croo, İsrailə qarşı ticarət qadağası tətbiq etmək üçün həmfikir müttəfiqlər axtardığını bildirib. Alexander De Croo işğalçı İsrailin Aİ-İsrail Tərəfdaşlıq Sazişində yer alan insan hüquqları təminatlarını potensial olaraq pozduğunu bildirib.

Qeyd edək ki, Cənubi Amerika ölkələri arasında da işğalçı İsrail ilə diplomatik əlaqələri kəsən ölkələrin sayı hər gün artır.