Bakı məhkəməsinin çıxardığı qərar yenə də mübahisə doğurdu

Xətai Rayon Məhkəməsi Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədlini 3 ay 28 gün müddətinə həbs edib.
Müdafiə tərəfi məhkəmənin qərarını qanunsuz hesab edir. Turan-a verdiyi müsahibədə onun vəkili Elmar Süleymanov bildirib ki, Məmmədlinin cinayət məsuliyyətinə cəlb edilməsi və həbs olunması üçün heç bir əsas yoxdur.
Anar Məmmədli özü də ittihamları təkzib edib, onların əsassız olduğunu və siyasi sifariş olduğunu bildirib.
Vəkilin sözlərinə görə, istintaq Məmmədlinin qaçaqmalçılıq törətməsinin heç bir dəlilini təqdim etməyib.
Qeyd edək ki, Anar Məmmədli aprelin 29-da Abzas Media-nın işi üzrə saxlanılıb. Ona 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddə ilə ittiham irəli sürülüb.