Islam Times - Kanada və işğalçı İsrail arasında gərginlik - “Dünya sizi görür, dayanın”

Kanada və işğalçı İsrail arasında gərginlik - “Dünya sizi görür, dayanın”

IslamTimes - İşğalçı İsrail rejiminin Baş naziri Benyamin Netanyahu kanadalı həmkarı Castin Trüdoya İsrailin Qəzzada qadınların, uşaqların və körpələrin öldürülməsinə son qoyması lazım olduğunu söylədiyi üçün etiraz edib.

Teleqraf.com xəbər verir ki, Kanada lideri işğalçı İsraili Qəzzada maksimum təmkin nümayiş etdirməyə çağırıb və dünyanın baş verənləri izlədiyini bildirib.

“Həkimlərin, sağ qalanların, valideynlərini itirmiş uşaqların ifadələrini eşidirik. Dünya qadınların, uşaqların, körpələrin öldürülməsinin şahididir. Bu dayanmalıdır”, - Trüdo deyib.

Netanyahu isə son həftələrdə nümayiş etdirdiyi həyasızlığını davam etdirərək, körpələrin, qadınların, qocaların qətliamına görə məsuliyyət daşımadığını bildirib.