Firon məni Müsəlman etdi !

1981-ci ildə Fransua Mitteran Fransanın prezidenti idi. O, Misirdən xahiş edir ki, mumiyanı tədqiq etmək üçün Fironun cəsədini Fransaya gətirsinlər.
Dünyanın ən böyük şeytanı olan Fironun cəsədi yerləşən təyyarə Fransaya enir və onu ölkə məsullları təmtəraqla qarşılayırlar. Bu mərasim bitəndən sonra onun cəsədini tədqiq etmək üçün Fransanın ən yaxşı cərrahlarını dəvət edirlər. Onlar cəsəd üzərindəki tədqiqlərinə başlayırlar.
Tədqiqat qrupunun rəhbəri professor Moris Bukayi idi. O, Fironun nədən öldüyünü öyrənmək istəyirdi. Professor Bukayinin tədqiqatı davam edirdi. Nəhayət gecənin axırı ölüm səbəbi məlum oldu. Saatlarla tədqiq ediləndən sonra cəsəddə dəniz duzu tapıldı. Məlum oldu ki, o, dənizdə boğulmuşdur. Onu dənizdən çıxardandan sonra bədənini mumiyalayıblar.
Professoru təəcübləndirən məsələ bu idi ki, onun cəsədi necə bu qədər sağlam qalmışdır. Professor yeni kəşfi haqqında məruzə etmək istəyirdi ki, ona tələsməməyi söylədilər. Çünki bu yeni kəşf deyildir, müsəlmanların bunu bildiyini və onların kitabında bu haqda yazıldığı haqqında məlumat verilir. Ancaq professor bu xəbəri rədd edir və onun mümkün olmayacağını söyləyir. O, belə fikirləşirdi ki, bu cür nəticəyə gəlmək çətindir, çünki bu kəşfi ancaq elmin inkişafı və kompyuter vasitəsilə etmək olar. Tədqiqatçılardan biri deyir ki, müsəlmanların kitabı olan Quranda Fironun qərq olması haqqında dastan vardır. Onun bədəninin ölümdən sonra salamat qalması haqqında da xəbər verilmişdir.
Bu zaman professorun təəcübü iki dəfə artdı. O, təəcüb etdi ki, necə ola bilər ki, bu mumiya 1898-ci ildə kəşf edilib, halbuki müsəlmanların Quranı 1400 il bundan əvvəl nazil olmuşdur.
Professor mumiyaya baxa-baxa dostunun bu sözləri haqqında düşündü. Necə ola bilər ki, Quran Fironun boğulması haqqında xəbər verə bilmişdir. Bu kitabda yazılmışdı ki, Firon Həzrət Musanı (ə) təqib edən zaman dənizdə boğulmuşdur. O, təəcüblənir ki, necə ola bilər ki, Həzrət Peyğəmbər (s) min il qabaq bu hadisənin necə olduğundan xəbərdar idi. O, həmin gecə Tövratı və İncili araşdırır, ancaq orada bir məlumata rast gəlmir.
Tədqiqat başa çatır və cəsədi Misirə qaytarırlar, ancaq professor rahat oturmur və cəsədin salamat qalması haqqında Quranda bir məlumat axtarır. Bunun üçün İslam ölkələrinə səfər edir və burada bir xəbər axtarır. Nəhayət müsəlmanlardan biri ona bu ayəni oxuyur: "Beləliklə, bu gün səni cansız bədəninlə birgə qurtarıb dəniz sahilinin uca bir yerinə atacağıq ki, səndən sonra gələnlərə (Allahın qüdrəti və batil qüdrətlərin zilləti barədə) bir nişanə olasan. Doğrudan da insanların çoxu bizim nişanələrimizdən qafildirlər”. ("Yunus” 92).
O, bu ayədən çox təsirlənir və qışqırmağa başlayır: "Mən İslama daxil oldum və bu Qurana iman gətirdim”. Professor Moris Bukayi dinini və düşüncəsini dəyişərək, Fransaya qayıdır. On ildən çox Quran həqiqətlərini tədqiq edir və heç birinin elmlə ziddiyət təşkil etmədiyini görür. Onun Allaha imanı daha da artır. O, "Yeni elmin sayəsində Quran, Tövrat, İncilin elmi tədqiqi” adlı kitab yazır.