Maide.Az “leader.ir” saytına istinadən xəbər verir ki, Ayətullah Xamenei Həcc ziyarəti müsəlmanlarını vəhdətə çağırıb. “Nəticədə öz (dünya və axirət) mənfəətlərinin bir hissəsini müşahidə etsinlər (Həcc surəsi, 28-ci ayə). Bu ayənin əyani misdaqı müsəlmanların vəhdət və birliyidir. Həcc bu məkanda, məhdud zaman kəsiyində həmişə və hər il aşkar məntiq və uca səslə müsəlmanları birliyə çağırır. Bu, düşmənlərin istəyinin əksidir. Düşmənlər həmişə, xüsusi ilə də hazırda müsəlmanları bir-birinə qarşı çıxmağa çağırırlar”.

 

Ayətullah Xamenei bu ilki həcc mesajında, ABŞ-ın siyasətinin müsəlmanların bir-birinin əli ilə öldürülməsi olduğunu deyib.

 

Ayətullah Xamenei ABŞ-ın regiondakı müharibə siyasətinə toxunaraq, ayıq olmaq yolu ilə bu şeytani təxribatı boşa çıxarmağın lazım olduğunu vurğulayıb.

 

“İndi cinayət törədən ABŞ-ın davranışlarını nəzərə alın. Onların İslam ilə müsəlmanlara qarşı tətbiq etdiyi əsas siyasəti müharibə törətməyə əsaslanır. Onların çirkin məqsədi, müsəlmanları bir-birini öldürməyə təhrik etməkdir. Zalımları dəstəkləyərək, məzlumları amansızlıqla yatırtmaq ilə bu fitnəni davamlı alovlandırmaq isə onların istədiyi şeydir. Müsəlmanlar ayıq olub, bu şeytani siyasəti dəf etməlidirlər. Məhz həcc vacibatı bu oyanışın əsaslarını təşkil edir və bu Həcc, müşriklər və imperialistlərdən uzaqlaşmağın fəlsəfəsidir!

 

Allahı yad etmək həccin ruhudur, hər bir halda Allaha təvəkkül və inamı qəlbimizdə kökləndirməliyik, çünki bu halda düşmənin hiylələrinə qələbə çalacağıq!

 

Əziz hacılar! Suriya, İraq, Fələstin, Əfqanıstan, Yəmən, Bəhreyn, Pakistan, Kəşmir və Myanmada yaşayan İslam ümməti üçün dua etməyi unutmayaraq, Allahdan ABŞ ilə hegemon sisteminin digər havadarlarının məğlubiyyətə uğramasını istəyin!”

Islam Times