Islam Times - Amerikalı strateq: İranın qisas əməliyyatı İsraili şoka saldı

İslamtimes - Sepahın İsrailə qarşı 14 aprel əməliyyatı beyin mərkəzlərində geniş təhlil olunur

İran İslam Respublikasının Dəməşqdəki konsulluğuna qarşı sionist hücumuna cavab zərbələrindən 10 gün keçsə də, tanınmış beynəlxalq analitiklər İranın İsrail rejimini cəzalandırması ilə əlaqədar öz heyrət və təəccüblərini gizlədə bilmirlər.
Beynəlxalq münasibətlərdə realizm məktəbinin aparıcı nəzəriyyəçisi, Çikaqo Universitetinin professoru Con Mirşaymer vurğulayıb ki, İsrail İranın təhdidləri qarşısında özünün əsas çəkindirmə prinsipindən kənara çıxmağa məcburdur. İsraillilər İranın Dəməşqdəki konsulluğa hücuma görə cavab verəcəyini gözləmirdilər, lakin İran bunu elə etdi ki, israillilərin eyni səviyyədə cavab vermək imkanı yoxdur”.
O, əlavə edib: “Hücumdan sonra İran İsrailin hər hansı təkrar hücum hərəkətinə cavab verməyi öhdəsinə götürüb və bu öhdəliklərini mediada açıq şəkildə ifadə edib. Nəticə belə oldu ki, amerikalılar və İsrailin bir çox digər Qərb müttəfiqləri növbəti müharibənin qarşısını almaq üçün işə qarışdılar və Təl-Əvivi cavab verməməyə inandırmağa çalışdılar”.

Mirşaymer, İsrailin İrandan daha aşağı səviyyədə hücum həyata keçirmək məcburiyyətində qalması halında Təl-Əvivin hərəkətinin heç bir təsirinin olmayacağını ifadə edərək, qeyd edib: “İran kimi bir ölkə ilk dəfədir ki, öz torpağından İsrailə hücum edə bildi. Bu, İsrailin nöqteyi-nəzərindən həqiqətən də şokedicidir”.
Amerikalı analitik daha sonra bildirib ki, israillilər səhv ediblər, hesablamaları yanlış idi, çünki Tehranın hərəkətə keçməyəcəyini güman edirdilər. Amma iranlıların qarşısında hücumu həyata keçirməməklə özlərini çox ağıllı apardılar. Əslində İran israilliləri elə bir vəziyyətə salıb ki, onların qisas almaq üçün yaxşı variantları yoxdur”.